{{{بسم الله الرحمن الرحيم}}}
{{{{{{{{انا بـــــــــــــــــــــــــــــــــــــــــــــــــ ـــــــــــــــــــــــــدوي}}}}}}}}
انا كيف اعترض لقدار والله بيده التقدير= انا مؤمن وايماني قوي أؤمن بلقداري
انا لشكيت هم المشكله عندي الهموم اكثير=حشا لله مشكيها لغير الخالق الباري
انا في داخلي اشياء كثيره مالها تفسير=ولا يقدر يفسرها سوى منهو بها داري
انا ماني ملك انا بشر ما اسلم من التقصير= ولكن رغم تقصيري انا متصنع اعذاري
انا عندي مشاعر مرهفه واحساس مثل الغير= ولكن ميزتي شاعر وهذا مصدر اصراري
انا مثل الصحاري اليابسه والشعر مثل الخير= ليا من هلت احروفه بصدري تنبت ازهاري
انا مثل الغصون الراويه والشعر كالتقطير=غصوني كيف ما تذبل الى من جفت ابحاري
انا لاغبت عن عيني تضلي هاجس التفكير= وجيك ولك كلام بخاطري وتضيع افكاري
انا لا جيت اعبر بالكلام اعجز عن اليعبير= وعود واستمد العذب لك من منبع اشعاري
انا مبغاك تلعب دور جاهل والخفوق الطير= وشوف الطاير المجروح بين ايمان ويساري
انا يكفيني التعذيب تجرحني بلا تخدير= تولعني كما الشمعه وتوخذ مني انواري
انا ماني بجساس ابن مره ونت مثل الزير= تبا توخذ بدم اكليب تبغي تنهي اثاري
انا صبري نفذ كله ولا باقي معي قنطير=سئمت اسئل عن اخبارك ولا تسأل عن اخباري
انا في عنفوانة حر مرغب لغبة التزوير= اذا اتماديت باللعبه ترى بالملم اسفاري
انا برحل ابا اسافر وخل الي يصير ايصير=مدام انها بدايتها معك بنهيه مشواري
انا يعجبني الوافي ولا يعجبني التاخير =احب الصدق لن الصدق من طوال لعماري
انا انظر لمن حولي بطرفاً ماعرف تحقير= ونفسٍ ما دخلها حقد ولا كيد واشراري
انا عندي الثقه مبدا معي من كنت طفل اصغير= وقبل انظر ديار اللغير اناظر اولاً داري
انا ما قلد لأخر ولا اعرف شي عن التصوير=ترى كلن له اطواره ونا هي هذه اطواري
انا لاقلت لي بدوي وقاصد منها التشهير=صفات البدوا ماتعرف بها يابايع الشاري
انا مترك تقاليدي وعاداتي ورا التطوير= انا بدوي نعم والبدوا ناس اجواد واحراري
انا ما عاد ابا اطول معك وافتح غطات البير= عليك ان تحمل اوزارك ونا بتحمل اوزاري
انا قبل اختم ابياتي وقبل ان ابتدي بسير=وقبل اوادعك ونساك ونت اموادع الساري
انا بطلبك شي واحد ولا بطلبك شي اكبير= انا بطلبك تنساني لعاد اتجيب لي طاري
انا ابغاء اقول لك حاجه حلاة الشعر في التكرير= كرر ونت تقراها عساك اتحس مقداري
{{{وسلامــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــتكم}}}
|
النمط المتتابع
